Secondary menu

പാരിഷ് മിഷന്‍ സമാപിച്ചു

2012 മാര്‍ച്ച് 20 മുതല്‍ നമ്മുടെ ഇടവകയില്‍ കൊല്ലം ഭദ്രാസനത്തിന്റെ ആഭിമുഖ്യത്തില്‍ നടന്നു വന്ന പാരിഷ് മിഷന്‍ സമാപിച്ചു. ഈ ദിവസങ്ങളില്‍ പാരിഷ് മിഷന് ഭാഗമായി നടന്ന ഭവന സന്ദര്‍ശനങ്ങള്‍ക്കും ധ്യാനയോഗങ്ങള്‍ക്കും കൊല്ലം ഭദ്രാസനാധിപന്‍ അഭിവന്ദ്യ സഖറിയാസ്‌ മാര്‍ അന്തോണിയോസ്‌ മേത്രാപോലീത്തായും മറ്റു ബഹു. വൈദികരും നേതൃത്വം നല്‍കി.

രോഗികള്‍ക്ക് സാന്ത്വനസ്പര്‍ശവുമായി ഇടയന്‍

ഭദ്രാസന പാരിഷ് മിഷന്‍റെ ഭാഗമായി നമ്മുടെ ഇടവകയില്‍ സന്ദര്‍ശനം നടത്തുന്നു ഭദ്രാസനാധിപന്‍ അഭിവന്ദ്യ സഖറിയാ മാര്‍ അന്തോണിയോസ്‌ തിരുമേനി ഇടവകയിലെ രോഗാതുരരും പ്രായമേറിയവരും ആയ അംഗങ്ങളുടെ ഭവനങ്ങള്‍ സന്ദര്‍ശിക്കുകയും അവര്‍ക്ക് വേണ്ടി പ്രത്യേകമായി പ്രാര്‍ത്ഥിക്കുകയും ചെയ്തു.

പാരിഷ് മിഷന്‍ സമാപനം ഇന്ന്

നമ്മുടെ ഇടവകയില്‍ 20 മുതല്‍ നടന്നു വരുന്ന പാരിഷ് മിഷന്‍ ഇന്ന് സമാപിക്കും. ഇന്ന് വൈകുന്നേരം സന്ധ്യനമാസ്കാരവും തുടര്‍ന്ന് ധ്യാനയോഗവും ശേഷം ആശിര്‍വാദത്തോട് കൂടി പാരിഷ് മിഷന് അനുഗ്രഹപ്രദമായ സമാപനമാകും.

പാരിഷ് മിഷന് തുടക്കമായി

കൊല്ലം ഭദ്രാസനത്തിന്റെ ആഭിമുഖ്യത്തില്‍ ഉള്ള പാരിഷ് മിഷന് നമ്മുടെ ഇടവകയില്‍ 20-3-2012 നു ആരംഭിച്ചു. 20 നു നടന്ന യോഗത്തില്‍ ഇടവക വികാരി ബഹു. സി. ഡാനിയേലച്ചന്‍ സ്വാഗതം ആശംസിക്കുകയും തുടര്‍ന്ന് കൊല്ലം ഭദ്രാസനാധിപന്‍ അഭിവന്ദ്യ സഖറിയ മാര്‍ അന്തോണിയോസ്‌ മെത്രാപ്പോലീത്ത ഔദ്യോഗികമായി പാരിഷ് മിഷന്റെ ഉല്‍ഘാടനം നിര്‍വഹിക്കുകയും ചെയ്തു. അതിനു ശേഷം നടന്ന ധ്യാനയോഗത്തിനു റവ. ഫാ. ജോണ്‍ ടി. വര്‍ഗീസ്സ് നേതൃത്വം നല്‍കി.

ഭദ്രാസന പാരിഷ് മിഷന്‍ മാര്ച് 20,21.22 തീയതികളില്

മലങ്കര ഓര്ത്തഡോക്സ് സഭയുടെ കൊല്ലം ഭദ്രാസനത്തിന്റെ ആഭിമുഖ്യത്തിലുള്ള പാരിഷ് മിഷന്‍ 2012 മാര്ച്ച് മാസം 20,21,22 തീയതികളില്‍ നമ്മുടെ ഇടവകയില്‍ നടക്കും. കൊല്ലം ഭദ്രാസന അധിപന് ആഭിവന്ദ്യ സഖറിയ മാര് അന്തോനിയോസ് തിരുമേനിയും മറ്റു വന്ദ്യ വൈദികരും നേതൃത്വം നല്കുന്നു.

ചരമ അറിയിപ്പ് (07.03.2012)

നമ്മുടെ ഇടവകയില്‍ പെട്ട  പാണ്ടിത്തിട്ട വലിയവിളയില്‍ പരേതനായ ലൂക്കോസിന്റെ ഭാര്യ മറിയാമ്മ ലൂക്കോസ് (79) നിര്യതയായി. മുളവന മരുതൂര്‍ കുടുംബാംഗമാണ്.      

ചരമ അറിയിപ്പ് (21/02/2012)

നമ്മുടെ ഇടവകയില്‍ പെട്ട താമരക്കുടി ജോണ്‍സന്‍ ഹൌസില്‍ ശ്രീ. എം. ജോര്‍ജ്ജ് നിര്യാതനായി. 89 വയസ്സായിരുന്നു. റവ. ഫാ. ജേക്കബ്‌ ജോര്‍ജ്ജ്, ശ്രീ. ജി. സാംകുട്ടി, ശ്രീ . ജി. പൊന്നച്ചന്‍, ജോണ്‍സന്‍ ജോര്‍ജ്ജ് എന്നിവര്‍ മക്കള്‍ ആണ്. ശവസംസ്കാരം നാളെ കഴിഞ്ഞു പള്ളി സെമിത്തേരിയില്‍. 23-02-2012 നു രാവിലെ 10 മണിക്ക് ശുശ്രൂഷകള് ഭവനത്തില്‍ ആരംഭിക്കും എന്ന് ബന്ധുമിത്രാദികള്‍ അറിയിച്ചു

ചരമ അറിയിപ്പ് (21-02-2012)

നമ്മുടെ ഇടവകയില്‍ പെട്ട സുനി ഭവനില്‍ (ചരുവില്‍) ശ്രീ. രാജന്‍ നിര്യാതനായി. ഭാര്യ ശ്രീമതി. മേരിക്കുട്ടി. മക്കള്‍: സുനി, ഷൈനി. ശവസംസ്‌കാരം ഇന്ന് (21-02-2012) ഉച്ചക്ക് പള്ളി സെമിത്തേരിയില്‍.

അഗതികളുടെ അപ്പോസ്തോലന് വിട

സഭയിലെ സീനിയര്‍ മെത്രാപ്പൊലീത്തയും നിരണം മുന്‍ ഭദ്രാസനാധിപനുമായ ഡോ. ഗീവര്‍ഗീസ് മാര്‍ ഒസ്താത്തിയോസ് (94)  കാലം ചെയ്തു. ഇന്നലെ വൈകിട്ട് 7.25നു പരുമല സെന്റ് ഗ്രിഗോറിയോസ് ആശുപത്രിയില്‍ ആയിരുന്നു അന്ത്യം. കബറടക്കം നാളെ മൂന്നു മണിക്ക് മാവേലിക്കര സെന്റ് പോള്‍സ് മിഷന്‍ ട്രെയിനിങ് സെന്ററില്‍. വൃക്ക സംബന്ധമായ രോഗത്തിന് ഒരാഴ്ച മുന്‍പ് ആശുപത്രിയില്‍ പ്രവേശിപ്പിച്ച അദ്ദേഹം തീവ്രപരിചരണ വിഭാഗത്തില്‍ ചികില്‍സയിലായിരുന്നു. ഹൃദയാഘാതം ആണ് മരണകാരണമെന്നു ഡോക്ടര്‍മാര്‍ അറിയിച്ചു.

അഭിവന്ദ്യ ഡോ. ഗീവര്‍ഗ്ഗീസ് മാര്‍ ഒസ്താത്തിയോസ് തിരുമേനി ആശുപത്രിയില്‍ അത്യാസന നിലയില്‍

മലങ്കര ഓര്‍ത്തഡോക്സ് സഭ മുന്‍ നിരണം ഭദ്രാസനാധിപനും മലങ്കര സഭാരത്നവുമായ ഡോ. ഗീവറുഗീസ് മാര്‍ ഒസ്താത്തിയോസ് (94) മെത്രാപ്പോലീത്തായെ അത്യാസന നിലയില്‍ പരുമല സെന്റ് ഗ്രിഗോറിയോസ് കാര്‍ഡിയോ വാസ്ക്കുലര്‍ സെന്ററില്‍ പ്രവേശിപ്പിച്ചു.

Pages

Copyright St.Stephens Orthodox Christian Youth Movement 2011-2016