Secondary menu

 

പാരിഷ് മിഷന്‍ സമാപനം ഇന്ന്

നമ്മുടെ ഇടവകയില്‍ 20 മുതല്‍ നടന്നു വരുന്ന പാരിഷ് മിഷന്‍ ഇന്ന് സമാപിക്കും. ഇന്ന് വൈകുന്നേരം സന്ധ്യനമാസ്കാരവും തുടര്‍ന്ന് ധ്യാനയോഗവും ശേഷം ആശിര്‍വാദത്തോട് കൂടി പാരിഷ് മിഷന് അനുഗ്രഹപ്രദമായ സമാപനമാകും.

പാരിഷ് മിഷന് തുടക്കമായി

കൊല്ലം ഭദ്രാസനത്തിന്റെ ആഭിമുഖ്യത്തില്‍ ഉള്ള പാരിഷ് മിഷന് നമ്മുടെ ഇടവകയില്‍ 20-3-2012 നു ആരംഭിച്ചു. 20 നു നടന്ന യോഗത്തില്‍ ഇടവക വികാരി ബഹു. സി. ഡാനിയേലച്ചന്‍ സ്വാഗതം ആശംസിക്കുകയും തുടര്‍ന്ന് കൊല്ലം ഭദ്രാസനാധിപന്‍ അഭിവന്ദ്യ സഖറിയ മാര്‍ അന്തോണിയോസ്‌ മെത്രാപ്പോലീത്ത ഔദ്യോഗികമായി പാരിഷ് മിഷന്റെ ഉല്‍ഘാടനം നിര്‍വഹിക്കുകയും ചെയ്തു. അതിനു ശേഷം നടന്ന ധ്യാനയോഗത്തിനു റവ. ഫാ. ജോണ്‍ ടി. വര്‍ഗീസ്സ് നേതൃത്വം നല്‍കി.

ഭദ്രാസന പാരിഷ് മിഷന്‍ മാര്ച് 20,21.22 തീയതികളില്

മലങ്കര ഓര്ത്തഡോക്സ് സഭയുടെ കൊല്ലം ഭദ്രാസനത്തിന്റെ ആഭിമുഖ്യത്തിലുള്ള പാരിഷ് മിഷന്‍ 2012 മാര്ച്ച് മാസം 20,21,22 തീയതികളില്‍ നമ്മുടെ ഇടവകയില്‍ നടക്കും. കൊല്ലം ഭദ്രാസന അധിപന് ആഭിവന്ദ്യ സഖറിയ മാര് അന്തോനിയോസ് തിരുമേനിയും മറ്റു വന്ദ്യ വൈദികരും നേതൃത്വം നല്കുന്നു.

ഈ മനുഷ്യന്‍ വാസ്തവത്തില്‍ നീതിമാന്‍ ആയിരുന്നു.(ധ്യാനം)

യേശുവിനെ ക്രൂശിച്ച പടക്കൂട്ടത്തിലെ ശതാധിപന്റെ ആത്മഗതം വലിയ വിശ്വാസ പ്രഖ്യാപനമായി ഞങ്ങള്‍ കാണുന്നു. ആറാം മണി ആയപ്പോള്‍ സൂര്യന്‍ ഇരുണ്ടു അന്ധകാരമായി, ദൈവമന്ദിരത്തിലെ തിരശീല നടുവേ ചിന്തി. ഈ അന്ധകാരവും തമസ്കരണവും കണ്ടു ഞങ്ങള്‍ ഭയപ്പെടുന്നു കര്‍ത്താവേ!. പക്ഷെ അപ്പോഴും നീ നീതിമാന്‍ ആണെന്ന് വിശ്വസിക്കുവാനും നിന്നെ ദൈവപുത്രനെന്നു വിളിച്ചു ഈ ലോകത്തിനു സാക്ഷിക്കുവാനും പലപ്പോഴും ഞങ്ങള്‍ക്ക് സാധിക്കുന്നില്ല.

മഹിമയോടക്കബറീന്നും

ദൈവവുമായി വ്യക്തിപരമായ ബന്ധം സ്ഥാപിക്കുവാന്‍ ഏറ്റവും അനുയോജ്യമായ സമയമാണു പരിശുദ്ധ നോമ്പ്കാലം. ഓരോ ജാഗരണങ്ങളും ഈ ബന്ധം സുദൃഡമാക്കുന്നു. പ്രതിസന്ധികളില്‍ ഇടരുവാന്‍ ഇടതരാത്ത ഒരു ദൈവം കര്‍മ്മമണ്ഡലത്തെ ഫലപ്രദമാക്കുന്ന ഒരു യാഹ്. ശത്രുവിനെ നിഷ്പ്രഭനാക്കുന്ന ഒരു വിജയക്കൊടി. "യഹോവാ നിസ്സി" സ്വയം സമര്‍പ്പണത്തില്‍ ഇവ നമുക്ക് പ്രാപ്യമാവുകയാണ്.

ചരമ അറിയിപ്പ് (07.03.2012)

നമ്മുടെ ഇടവകയില്‍ പെട്ട  പാണ്ടിത്തിട്ട വലിയവിളയില്‍ പരേതനായ ലൂക്കോസിന്റെ ഭാര്യ മറിയാമ്മ ലൂക്കോസ് (79) നിര്യതയായി. മുളവന മരുതൂര്‍ കുടുംബാംഗമാണ്.      

Pages

Copyright St.Stephens Orthodox Christian Youth Movement 2011-2016